कृष्णनगर क्षेत्रमा तहाजियाकाे प्रतिस्पर्धा

कपिलवस्तु, साउन २ । मुस्लिम धर्माबलम्बिको प्रवर्तक हजरत मोहम्मद पैगम्बरका नाती शहिद हजरत हुसैनको सम्झनामा माेहर्रम हिन्दु-मुस्लिम दुवै समुदायले धुमधामका साथ मनाउदै आएकाे छन ।
कृष्णनगरको लक्ष्मीनगरको कर्बलामा मोहर्रम पर्व मनाइन्छ । इराकको राजधानी बगदाद भन्दाको करबला भन्ने ठाँउमा  याहुदी फौजसँगको धर्मयुद्धमा सहादत प्राप्त गरेका हुसैनको सम्झनामा यो पर्व शाेकका रुपमा मनाइने गरिन्छ । कृष्णनगरमा पनि मेला आयाेजन गरि ताजियालाई कर्बलामा विसर्जन गरि मोहर्रम पर्व मनाइएको हो ।

नेपाललगायत दक्षिण एशियाली मुलुकहरुमा विशेष महत्वका साथ मनाईन्छ । मुस्लिमहरु मात्रै मनाउदै आएको यो पर्व पछिल्लो समय हिन्दु धर्मवलम्बीहरुले पनि मनाउने गरेका छन । ताजिया प्रति आस्था बढ्दै गएपछि, मागेको भाकल पुरा हुने भएपछि हिन्दु समुदायले पनि ताजिया बनाउने गरेका छन ।

ईस्लामीक धर्मको नयां बर्षका दिन देखी सुरु हुने मोहर्रमका १० दिन सम्म नै फरक फरक तरीकाले पर्व मनाउने गर्दछन् । मोहर्रमको १० तारिखलाई महान दिन असुरा पनि भनिन्छ । मोहर्रम १० तारिखकै दिन धेरै नबीहरु माथी अल्लाहको इनायत भयो र पापीहरुलाई सजाय गरिएको थियो जसमा हजरत हुसैनले पनि सहादत पाउनु भएको थियो ।

त्यसैले यो शोक दिनको सम्झनामा मस्जिदमा कुरान पाठ गरिनुका साथै बेलुकी खिचडा (खाने पक्वान्न) बनाएर बाँडिन्छ । घरमा बनाइएका ताजियाहरु नजिकको कर्बला(रण)मा पुगेर बिभिन्न परम्परागत खेल तमासा तथा ताजियालाई बिभिन्न सामग्री अर्पण गरि यो पर्व मनाईन्छ । भाकल गर्नेहरुले आफ्नै लागतमा ठूलो ताजिया बनाउने पनि गर्दछन विशेषगरी मोहर्रम पर्व मुस्लिम समुदायले मनाउने भए पनि भाकल पूरा भएको भन्दै केही हिन्दु धर्मावलम्बीले पनि ताजिया राख्ने गर्छन् ।

ताजियाहरुलाई ९ मोहर्रम नवमीका दिन पुजा गरि १० तारिखमा (ताजिया)को कर्बलामा बिजर्सन गरि मोहर्रम पर्वको बिधिवत समापन हुने गर्दछ । कपिलवस्तुको कृष्णनगर, महाराजगंज, बहादुरगंज, तौलिहवा लगायत विभिन्न ठांउमा पर्व धुमधामका साथ मनाइने गरिन्छ।

कपिलवस्तुको कृष्णनगर नगरपालिका वडा नं ३ लक्ष्मीनगर मा रहेको ‘मदारगढ’ कर्बलामा समेत प्रत्येक बर्ष धुमधामका साथ मोहर्रम पर्व हिन्दू तथा मुस्लिम धर्मावलम्बीहरू मनाउदै आएका छन्। मेला शान्तिपुर्ण र सुरक्षित बनाउन ईलाका प्रहरी कार्यालय कृष्णनगरका कार्यालय प्रमुख सुरज खत्री तथा सशस्त्र प्रहरी बल प्रस्तावित गुल्मका गुल्मपती सशस्त्र प्रहरी नायब उपरिक्षक शैलेन्द्र न्यौपानेको नेतृत्वमा टोली परिचालन गरिएकाे छ।