राम प्रघट कोरी
चैत्र २३ –विजयनगर
कपिलवस्तुको कामना सेवा विकास बैंक चन्द्रौटा शाखा लिमिटेडले राहत स्वरुप सिरक, डस्ना, सिरानी, ओछ्याउने, च्यादर लगायतका दैनिक प्रयोगमा आउने सामग्रीहरु प्रदान गरेको छ । जिल्लाको विजयनगर गाउँपालिका वडा नंं. १ गुगौली स्थित आगलागीबाट पीडित २५ घर परिवारलाई राहत स्वरुप लत्ताकपडा वितरण गरेको छ ।
यही चैत २१ गते भिषण आगलागीबाट २५ घर जली नगद, लत्ता कपडा, भाँडाकुडासहित सम्पूर्ण सामानहरु नष्ट भएका थिए । बैंकका बुटवल क्लष्टर प्रमुख खिमलाल भुसालले उक्त राहत सामग्री वितरण गरेको कामना सेवा विकास बैंक चन्द्रौटा लिमिटेडका शाखाका प्रमुख यज्ञमुर्ति लुईटेल(अनिष)ले जानकारी दिनुभयो ।
यस्तै बैंकले नोबेल कोरोनाभाइरस (कोभिड–१९)को जोखिमसँगै सरकारले गरेको लकडाउनका कारण दैनिक खानपानमा समस्या भएका मानव सेवा आश्रम बुटबलमा आश्रित १३० जना सडक बालबालिका तथा असहाय व्यक्तिहरुलाई सहयोग गरेको भुषाले बताउनुभयो ।
यसै गरी लकडाउनको कारण दैनिक ज्यालामजदुरी गर्ने परिवार तथा न्यून आय भएका व्यक्तिहरुलाई समेत जीविको पार्जनको लागि निकै गाह्रो भएकोले उनिहरुलाई राहत प्रदान गर्नको लागि बुटवल उप–महानगरपालिका वडा नंं. ७ का अध्यक्ष कमल थापा मार्फत खाद्यान्न सामाग्री हस्तान्तरण गरिएको थियो ।