काठमाण्डौ – काठमाण्डौ महानगरपालिकाको टोली अनधिकृत संरचना हटाउन शङ्खमूल र बानेश्वर क्षेत्रमा पुगेको छ ।

मेयर बालेन्द्र शाहसहितको टोली शङ्खमूल र बानेश्वर क्षेत्रको अवलोकनमा पुगेको हो । टोलीले अवैध संरचनामा खुलेका पसलहरूको अवलोकन गरिरहेको छ ।

काठमाण्डौ महानगरपालिकाले अनधिकृत रुपमा बनाएका संरचना भत्काउने अभियानलाई निरन्तरता दिएको छ । यसअघि सोमवार बानेश्वरमा केही संरचना भत्काएको महानगरपालिकाले हिजो न्युरोड तथा दरबारमार्ग क्षेत्रमा रहेका अनधिकृत संरचना हटाएको थियो ।

काठमाण्डौको कोटेश्वरमा पनि त्यस्ता अवैध संरचना हटाउने तयारी छ ।