नेपालगन्ज ६ , कार्तिक । हर साल कार्तिक मास के कृष्ण पक्ष के चतुर्थी तिथि मा करवा चौथ कै व्रत रख्खा जाता है । हिन्दु धर्म मा इ करवा चौथ व्रत कै बहुत जादा महत्व होत है । सुहागिन महिला अपने पति (मर्द) कै लम्बी उमर के खातिर इ ब्रत का रख्खत हिं ।

करवा चौथ कै व्रत निर्जला व्रत होत है । इ ब्रत मा मेहरुवै पानी तक नाय पियत हिं । करवा चौथ व्रत चन्द्रमा देखेक बाद पुजा कइकै तब ब्रत तोडत है । महिला लोग चन्द्रमा कैहा अर्घ्य दैइकै अपन व्रत तोड़त हिं ।

चन्द्रमा कैहा मन कै कारक माना गा है । चंन्द्रमा आयु, यश औ समृद्धि कै प्रतीक है । हिंदू मान्यता के मुताविक चन्ंद्रमा का भगवान ब्रह्मा के रुप माना जात है । औ चांद कै लम्बी आयु कै वरदान मिला है । चांद मा सुन्दरता, शीतलता, प्रेम, प्रसिद्धि औ लंबी आयु जस गुण मिलत है ।

यहिसे सब महिलालोग चांद का देखिकै कामना करती हैं कि इ सब गुण उनके पति मा आवै ।
ज्योतिषाचार्य के मुताविक सुहागिन महिला अपने मर्द कै लम्बी ंउम्र कै कामना के साथेन निर्जला व्रत रख्खत हिं । इ व्रत सौभाग्य, सुख औ समृद्धि कै प्रतीक है । इस दिन शिव परिवार औ भगवान गणेशकै पूजा करैक चाही ।

करवा चौथ सरगही कार्यक्रम

अइसेन नेपालगन्जमा अवधी समुदाय कै महिलालोग करवा चौथ सरगही कार्यक्रम कै आयोजन किहिन है । नेपालगन्जके महिला अगुवा कृष्णादेबी पाण्डे के अगुवाइ मा सम्पन्न भवा कार्यक्रममा नेपालगन्ज शहर कै करिब एक सौ से जादा महिला लोगन केर सहभागिता रहा ।

ऊ कार्यक्रम मैहा डाढिया नाँच, महिला सोह्र श्रगांर प्रर्दशन जस तमाम मनोरञ्जनात्मक सांस्कृतिक कार्यक्रम समेत सम्पन्न भएक अल्का मिश्र बताइन है ।कार्यक्रम कैहा नेपालगन्ज के उपमेयर उमा थापा मगर औ कशौधन बैश्य समाज के अध्यक्ष नन्दलाल बैश्य सामुहिक रुपमा उदघाटन करिन रहै ।
कार्यक्रममा सोह्र श्रृगांर औ अवधी समुदायकै पहिरन मा आयोजित प्रतियोगिता मा नेपालगन्ज के सुधा तिवारी उत्कृष्ट भइ रही ।जित हासिल करिन तिवारी का ताज औ पुरस्कार से सम्मान कियागा रहा । साभार:अवधीनेपाल